Baki, FinanceTime. WoWoman, 2015-ci il fevral ayında qadınların inkişafı üçün, onların ən qeyri-adi, çılğın, “qeyri-mümkün” arzularını həyata keçirmək üçün yaradılan platformadır.
WoWoman müxtəlif sahələrdə bir çox təlim proqramları və layihələr həyata keçirmiş platforma olaraq bu dövrün ən tələb olunan təlim proqramını Wowoman:HR Academy-ni Azərbaycanın aparıcı şirkətlərinin HR menecerlərini cəlb edərək(Deloitte,BP,European Tobacco,Azercell,Keel Academy) yaratdı.
HR Akademiyası xanımlara təmənnasız olaraq HR sahəsində qabiliyyətlərini inkişaf etdirməyə, əxlaqi və ehtiramlı iş mühiti yaratmağa və düzgün iş nizamlamasına riayət etməyə kömək edən təlim kursudur. İki aylıq təlimi 35 içtirakçı uğurla bitirərək sertifikatla təltif olundu.
Layihənin davamı olaraq 17 sentyabr saat 15:00-18:00 İqtisad Universitetində “Excellence through People” adlı Forum təşkil olundu. Forumda çıxış edənlər Azərbaycanın aparıcı şirkətlərinin Deloitte, Edumedia, Azercell, Kapital Bank, European Tobacco Baku, Yarat, Gilan Holding, Pasha Bank və s. kimi HR rəhbər və menecerləri oldu.
Forum üç hissədən ibarət idi. Ilk öncə layihənin meneceri Çinarə Əliyeva layihə haqqında qısa məlumat verdi. Daha sonra forumun birinci hissəsinə start verildi və Kapital Bank ASC nin HR direktoru Fərganə Məmmədova, Edumedia- nın HR direktoru Ulkər Piriyeva və YARAT Contemporary Art Space-in HR diektoru Fəridə Əmirova çıxış edərək İnsan resurslarının “Qadın HR- üstünlükləri və çətinlikləri” və “Uğur üçün bir yol xəritəsi” mövzusunda iştirakçılara məlumat verdi.
Forumun ikinci hissəsində panel diskusiyası keçirildi. Bəy HR ların panel diskusiyyasından və qadın HR-ların panel diskusiyyasından ibarət oldu. Bəy HR-ların siyahsında Gilan Holding şirkətinin HR meneceriAllahverdi Bagirov, European Tobacco şirkətinin HR meneceri Elçin Şükürov, Azərsun şirkətinin işə qəbul şöbəsinin müdürü Elçin Əzimli və PSG şirkətinin CEO-su Elvin Mahmudov kimi Azərbaycanın aparıcı şirkətlərinin HR menecer və direktorları oldu.
Qadın HR-ların siyahsında isə Deloitte şirkətinin HR direktoru Vusala Kərimova, Pasha Bank ASC-nin Hr direktoru Çimnaz Qasımova, Kapital Bank ASC-nin HR direktoru Fərqanə Məmmədova, Edumedia-nın HR direktoru Ülkər Piriyeva və Yarat Contemporary Art Space-in HR diektoru Fəridə Əmirova kimi Azərbaycanın aparıcı şirkətlərinin HR menecer və direktorları var idi.