Baki, FinanceTime.   13 aprel 2018-ci il tarixində  “Opalus Partners” şirkətinin təsisiçisi Çimnaz Qasımova  UNEC  tələbələri üçün “İnsan Resurslarının idarədilməsi” mövzunda təlim keçirdi.  Təlimdən öncə UNEC-in Karyera Mərkəzinin direktoru Fuad Əliyev “Opalus Partners” şirkəti ilə uğurlu əməkdaşlıqdan söz açıb.  Bu qurumun UNEC tələbələri üçün mütəmadi müxtəlif mövzularda  təşkil etdiyi təlimlərin faydasını vurğulayıb.

Təlimdə “Opalus Partners” şirkətinin təsisiçisi Çimnaz Qasımova insan resurslarının idarə edilməsi və uğurlu karyera mövzusunda tələbələrə ətraflı məlumat verdi. Çimnaz Qasımova bildirdi ki, insan resursları hər bir təşkilatın strukturuna daxil olan ən önəmli bölmələrdən biridir və İnsan Resursları üzrə mütəxəssislərin hazırlanması, onların peşəkar fəaliyyəti də hər hansı bir müəssisənin işinin irəli aparılmasında mühüm rol oynayır. Təlimdə işçilərin motivasiyasını yüksəltmək məqsədilə mütəmadi olaraq istifadə olunan metodlar ilə bağlı məsələlərə toxunuldu. Həmçinin, iştirakçılar arasında qrup çalışması keçirildi.

Sonda Çimnaz Qasımova təlimlə bağlı fikirlərini bildirib: “UNEC tələbələri təlimə böyük maraq göstəriblər. Düşünürəm ki, onlar əldə etdikləri məlumatlardan həm tələbəlik dövründə, həm də gələcək iş həyatında faydalanacaqlar”.

Sonda təlimdə iştirak edən tələbələrə “Opalus Partners” şirkətinin sertifikatları təqdim edildi.