Azərbaycan Mühasiblər və Risk Peşəkarları Assosiasiyası (ARPA) ilə Azərbaycan Sığortaçılar Assosiasiyası (ASA) arasında qurulmuş əməkdaşlıq əlaqələri rəsmi Saziş ilə yenilənib.

Sazişi  Azərbaycan Mühasiblər və Risk Peşəkarları Assosiasiyası tərəfindən İdarə Heyətinin sədri Günay Şahbazova,

Azərbaycan Sığortaçılar Assosiasiyası tərəfindən isə İcraçı direktor Elmar Mirsalayev  imzalayıb.

Əldə olunmuş razılığa əsasən, iki  peşəkar assosiasiya növbəti mərhələdə risk-sığorta istiqamətləri üzrə təşkil olunacaq təlim, seminar və sertifikasiya layihələrinin icrasında  birgə iştirak edəcəklər. 

Qeyd edək ki, ARPA ölkədə maliyyə və idarəetmə sahəsində, xüsusilə risklərin  idarə olunması və maliyyə  istiqamətində peşəkar yanaşmaların tətbiqinə təkan və bu yolla Azərbaycanda iqtisadiyyatın dayanıqlı inkişafına töhfə vermək məqsədi ilə 19 mart 2009-cu ildə təsis edilmişdir. ARPA İB-nin 1000-dən çox  fərdi, 12  korporativ üzvü vardır.