3 avqust 2023-cü il tarixində Mərkəzi Gömrük Hospitalında Roxall Medizin və KombiMED beynəlxalq şirkətlərinin əməkdaşları ilə əməkdaşlıq görüşü keçirilib.

Görüşdə Dövlət Gömrük Komitəsinin Tibbi Xidmət İdarəsinin rəis müavini İsmayıl Əfəndiyev, Mərkəzi Gömrük Hospitalının rəis müavini Nabil Seyidov, Mərkəzi Gömrük Hospitalının Laboratoriya şöbəsinin rəisi vəzifəsini müvəqqəti icra edən Səbinə İbrahimova, Dövlət Gömrük Komitəsinin Tibbi Xidmət İdarəsinin Elmi-Təcrübi Tədris Mərkəzinin mütəxəssisi Şəhla Mirzəzadə, o cümlədən Qazaxıstanda çalışan həkim pediatr, allerqoloq-immunoloq, Astana Universitetinin uşaq xəstəlikləri kafedrasının assistenti, Avstriyanın HVD şirkətinin Qazaxstan və Özbəkistan üzrə ölkə meneceri Oksana Usseinova, Almaniyanın Dortmund şəhərində fəaliyyət göstərən həkim, beynəlxalq KombiMED şirkətinin təsisçisi və direktoru Pavel Komar və Almaniyanın Hamburq şəhərində çalışan otorinolarinqoloq və allerqoloq, klinik tədqiqatlar üzrə mütəxəssis, Roxall Medizin şirkətinin ambassadoru və beynəlxalq elmi klinik tədqiqatlar üzrə direktoru Elşən Ağayev iştirak edib.

Görüş zamanı Mərkəzi Gömrük Hospitalı və  Roxall Medizin və KombiMED beynəlxalq şirkətləri arasında mümkün əməkdaşlıq imkanları barədə geniş müzakirə həyata keçirilib. Həmçinin görüşdə hər iki şirkətin allerqologiya və immunologiya sahəsində olan beynəlxalq təcrübəsinin nəzəri və praktiki istiqamətlərinin Mərkəzi Gömrük Hospitalının tibb personalının bilik və bacarıqlarının təkmilləşdirilməsinə yönəldilməsinin vacibliyi vurğulanıb.