4 noyabrda Bakıda ABB bank, bp və PASHA həyat sığorta şirkətlərinin maliyyə dəstəyi ilə “Agile Azərbaycan Beynəlxalq Sammit”i uğurla baş tutdu. 300-dən çox iştirakçı qatıldığı tədbirin məqsədi bu yeni çevik və innovativ iş mədəniyyətinin Azərbaycanda təbliğidir. 

Sammit çərçivəsində xarici ölkələrdən dəvət edilmiş mütəxəssislər bu sahədə ən son yeniliklər və beynəlxalq təcrübə haqqında iştirakçılara məlumat verib. Müxtəlif mövzularla çıxış edən Con Kolman, Alize Hofmister, Artur Marqonari, Kris Jon, Mehmet Yitmen, Maria Qhlonti, Tolga Kombak, Kristof Martino, Caner Çinar və Vladimirs İvanovs auditoriyanın marağını cəlb etmişdilər.

Bir çox ölkələrdən gələn spikerlərlə yanaşı lokal spikerlər də panel müzakirələrində iştirak edib.

Tədbir zamanı Abbas İbrahimov, Bəxtiyar Aslanbəyli və Niyaz İsmayılov "Responding to Change and Servant Leadership", Həsən Eminov, Nərgiz Mustafayeva və Ramilə Quliyeva "Agility Explored: A Cross-Organizational Exchange" panel müzakirələrində fikirləri ilə iştirakçılarla bölüşdülər.

Qeyd edək ki, bu, ikinci Agile sammitidir. Ənənəvi hal alan tədbirin gələn il yenidən keçirilməsi planlaşdırılır.

Tədbirin təşkilatçısı: Nərminə Əliyeva, Agile Azərbaycan cəmiyyətinin lideri.