Mərkəzi Gömrük Hospitalının Poliklinika şöbəsinin endokrinoloqu Şəbnəm Əlirzayeva 16 fevral 2024-cü il tarixində saat 15.00-da “Yeni aşkarlanmış diabetdə ilkin terapiyaya yanaşma” mövzusunda təqdimatla çıxış edəcək. Tədbirdə Mərkəzi Gömrük Hospitalının endokrinoloqları, təcili yardım həkimləri, endikrinologiyaixtisası üzrə təhsil alan həkim-rezidentlər və tibb tələbələri iştirak edə bilərlər. Qeydiyyatdan keçən tibb mütəxəssislərinə telefon və ya e-mail vasitəsilə təsdiq məktubu göndəriləcək. Virtual qoşulmaq istəyənlər üçün isə Zoom link göndəriləcəkdir. Qeydiyyat üçün keçid: https://ref.az/Np5nrN.
Dr. Şəbnəm Əlirzayeva Mərkəzi Gömrük Hospitalında şəkərli diabet, metabolik sindrom, insulinoma, diffuz toksiki ur, endemik ur, hipo-hipertireodizm, miksedema, xaşimoto uru, kəskin və yarımkəskin tireodit, akromeqaliya, hiperprolaktinemiya, şəkərsiz diabet, hiperkortisizm, feoxromositoma, hipoparatireodizm, hiperparatireodizm, hirsutizm, predmenstrual sindrom və s. xəstəliklərin müalicəsini həyata keçirir. Həkim barədə daha ətraflı məlumat almaq üçün bu linkə daxil ola bilərsiniz:
Dr. Şəbnəm Əlirzayeva 2009-cu ildə Azərbaycan Tibb Universitetinin müalicə-profilaktika fakültəsini bitirmiş, 2009-2010-cu illərdə Respublika Endokrinoloji Mərkəzində endokrinologiya ixtisası üzrə internatura, 2010-2012-ci illərdə Rusiyanın paytaxtı Moskva şəhərində FDM Endokrinoloji Elmi Mərkəzində ordinatura keçmişdir. Şəbnəm həkim 2012-ci ildən etibarən Mərkəzi Gömrük Hospitalnda həkim-endokrinoloq kimi fəaliyyət göstərir.
Dr. Şəbnəm Əlirzayeva 2010-cu ildə Rusiyanın paytaxtı Moskva şəhərində "Endokrin patologiyalı xəstələrdə hamiləliyin planlaşdırılması və aparılması”, "Kontrasepsiyanın endokrin aspektləri" kurslarında, 2012-ci ildə Ümumrusiya üzrə endokrinoloqların VI konqresində və 2013-cü ildə Ümumrusiya üzrə VI diabetoloji konqresində iştirak etmişdir.Xatırladaq ki, Mərkəzi Gömrük Hospitalı keyfiyyətli tibb xidmətlərinin göstərilməsi ilə yanaşı respublikada tibbi kadrların hazırlanması prosesində də aktiv iştirak edir. Tibbin bir çox sahələri üzrə mövcud olan rezidentura proqramları çərçivəsində hospitalda 50-dən çox həkim-rezident çalışır.