|
|
|
Digər xəbərlər | | | Nuranə Əliyeva, “Aliyevents” tədbirlərin təşkili şirkətinin rəhbəri:Milli ənənələrin müasirləşdirilməsi tədbirlərin təşkilində |
20.02.2024 | |
| |
Nuranə Əliyeva, “Aliyevents” tədbirlərin təşkili şirkətinin rəhbəri: Milli ənənələrin müasirləşdirilməsi tədbirlərin təşkilində mühüm aspektdir.
Dünyanın getdikcə qloballaşdığı, mədəni sərhədlərin isə aradan qalxdığı hazırkı dövrdə milli ənənələrin qorunub saxlanılması və təşviqi nəinki vacib, həm də aktual məsələyə çevrilir. Lakin milli ənənələrin həm canlı, həm də gənc nəsil üçün cəlbedici olaraq qalması üçün müxtəlif tədbirlərin təşkilinə onların qeyd edilməsi və təşviqi ilə bağlı müasir elementlər əlavə edilməlidir.Milli ənənələrin müasirləşdirilməsi üsullarından biri tədbirlərin təşkilində müasir texnologiyalardan istifadədir.
Məsələn, tarixi yerlərə virtual ekskursiyaların keçirilməsi üçün mobil tətbiqlərin yaradılması, interaktiv instalyasiyalardan istifadə və s. Bu istiqamətdə Heydər Əliyev Mərkəzi bu vəzifənin öhdəsindən çox gözəl gəlir. Muzey ekspozisiyalarından başlayaraq, iventlərə qədər – bizi əhatə edən demək olar ki “rəqəmsal” dünyada öz köklərinə hörmət məhz belə olmalıdır.Kütləvi tədbirlərə gəlincə, burada yaxınlaşmaqda olan bahar bayramını - Novruzu nümunə göstərmək olar. Bu bayram etnoqrafik mədəniyyət nöqteyi-nəzərdən çox gözəl və mühüm bayramdır, onun kulminasiya nöqtəsi isə yaz bərabərliyi gününə təsadüf edir. Bu bayramın atributlarında bir çox bütpərəstlik və ayin ənənələri var, məncə, onların bəziləri indiki gənclərə belə uzaq, bəzən isə hətta anlaşılmaz görünməməsi üçün çoxdan müasir şəklə gətirilməli idi. Məsələn, Azərbaycanda Novruz bayramı günlərində Kosa və Keçəl kimi personajların iştirakı ilə xalq tamaşaları məşhurdur, onların reçitativləri və “hoqqabazlıqları”, çətin ki, 6D gerçəkliklə tanış olan nəslə maraqlı olsun. Buna görə, hesab edirəm ki, istənilən ənənələr zəmanə ilə ayaqlaşmalıdır və məhz bu, gənclərin onlara daha çox hörmət etməsinə və hətta onların gələcək taleyində iştirak etməsinə imkan verir.
Tədbirlərin müasir formatları, bayramın ənənəvi təşkilinə sadiq qalmaq yerinə yeni formalarla eksperimentlərin mövcudluğu məndə böyük rəğbət oyadır. Məsələn, təkcə musiqi və rəqsləri deyil, həm də ənənəvi sənətkarlıq, milli mətbəxlə bağlı master-klasları, mədəniyyət və tarix haqqında mühazirələri, habelə zəka və kostyum nominasiyalarında ən yaxşı “Bahar qızı” müsabiqələrini ehtiva edən iventlərin təşkili kimi.Gənclərin öz yaradıcılıq potensiallarını nümayiş etdirə bilməsi vacibdir, məhz onlar ünsiyyət və ideya mübadiləsi üçün sosial şəbəkələrdən istifadə edərək, milli ənənələrə marağı xeyi artıra bilərlər.Tədbirlərin təşkilində milli maraqların müasirləşdirilməsi kreativ yanaşma və dəyişikliklərə hazırlıq tələb edir. Tarixi irsi və mədəniyyətin nadirliyini qoruyub saxlamaq, lakin bu zaman yeni ideya və formatlar üçün açıq olmaq vacibdir. Mənim və komandamın ənənələrin müasir insanlar üçün daha əlçatan və cəzbedici olmasına nail olmaq üçün seçdiyimiz istiqamət də məhz budur.
|
|
|
|