KOBİA və Bilişim Vadisi Bakı arasında ötən il imzalanmış əməkdaşlığa dair Niyyət Protokolu çərçivəsində təlimlər davam edir. 

Kiçik və Orta Biznesin İnkişafı Agentliyinin (KOBİA) və Bilişim Vadisi Bakının birgə əməkdaşlığı çərçivəsində növbəti təlim keçirilib. “KOB-ların inkişafı - sahibkarlıq təlimləri”ndə KOBİA və Bilişim Vadisi Bakının birgə əməkdaşlığı çərçivəsində baş tutmuş “Gənc startap” sahibkarlıq təlimlərini uğurla başa vurmuş şəxslər və Agentlikdən “Startap” şəhadətnaməsi almış startaplar iştirak ediblər.  

Təlimdə Bilişim Vadisi Bakının mentoru tərəfindən komanda qurmaq, idarə etmək, liderlik, texnologiya şirkətlərinə satış, layihənin investisiya qoyuluşu üçün hazırlanması mövzuları tədris olunub, iştirakçıların sualları cavablandırılıb.

Qeyd edək ki, təlimlər KOBİA və Bilişim Vadisi Bakı arasında ötən il imzalanmış əməkdaşlığa dair Niyyət Protokolu çərçivəsində keçirilib.