Baki, FinanceTime. Azərbaycanda hər il “23May–Ekologiya və Təbii Sərvətlər Nazirliyinin işçilərinin peşə bayramı günü” kimi qeyd olunur. Bu münasibətlə “Qala Sığorta” və “Qala Həyat” şirkəti bu gündən etibarən məhsullar üzrə güzəşt kampaniyasına start verib.

Şirkətin İctimaiyyətlə əlaqələr xidmətindən verilən məlumata görə, kampaniya çərçivəsində hər iki şirkət tərəfindən ekologiya əməkdaşları üçünkönüllü sığorta məhsullarına 15-20%-dək güzəşt nəzərdə tutulub.

Bu güzəşdən yararlanmaq istəyən müştərilər istər “Qala Sığorta”, istərsə də “Qala Həyat” şirkətinə yaxınlaşmaqla könüllü sığorta məhsullarını əldə edə bilər.

Kampaniya 30 may tarixinədək davam edəcək.Məhsullarla bağlı daha ətraflı məlumat üçün (012) 377 10 10, (012)404 77 44 və ya 1540 qısa nömrəsinə zəng etmək mümükündür.

Qeyd edək ki, Ümummilli lider Heydər Əliyevin 23 may 2001-ci il tarixli Fərmanı ilə ölkədə ekologiya, ətraf mühitin mühafizəsi, hidrometeorologiya, geologiya, meşəçilik və balıqçılıq sahəsində vahid dövlət siyasətini həyata keçirmək məqsədilə Ekologiya və Təbii Sərvətlər Nazirliyi yaradılıb. Azərbaycan Respublikasının Prezidenti cənab İlham Əliyevin 16 may 2007-ci il tarixdə imzaladığı Sərəncama uyğun olaraq hər il may ayının 23-ü ölkəmizdə Ekologiya və Təbii Sərvətlər Nazirliyi işçilərinin peşə bayramı kimi qeyd olunur.Azərbaycanda bütün sahələrdə olduğu kimi ekologiya işçiləri də ekoloji tarazlığın qorunması və ətraf mühitin sağlamlaşdırılması istiqamətində apardıqları uğurlu xidmətləri ilə seçiliblər.

Fürsətdən istifadə edərək “Qala Həyat” və “Qala Sığorta” şirkətinin kollektivi ekologiya sahəsində çalışan bütün işçilərin bayramını təbrik edir, onlara işlərində uğurlar arzulayır.