Baki, Finance Time. 17 -18 mart tarixlərində PAŞA Sığorta şirkətinin əməkdaşları “Sığortaçı Akademiyası” layihəsi çərçivəsində keçirilən inşa müsabiqəsinin qaliblərinə növbəti təlim keçirdilər.

Bu müsabiqədə qaliblərə "Sığorta işinin əsasları və korporativ idatəetmə" mövzusunda təlimlər keçirilmişdir. Qeyd etmək istərdik ki, ilk təlim 29 fevral – 1 mart tarixlərində keçirilmiş, təlimdə 11 qalib şəxs iştirak etmişdir. Bu dəfə ki təlimdə 7 qalib şəxs iştirak etdi.

Təlimlər Risklərin İdarə olunması, Sığorta işinin əsasları, Sığorta iddialarının tənzimlənməsi, Marketinq, İnsan Resursları və Mühasibat mövzularını əhatə edib və PAŞA Sığorta şirkətinin əməkdaşları tərəfindən şirkətin baş ofisində keçirilib.

Təlim sonunda bütün iştirakçılar sertfikatla və xüsusi hədiyyələrlə təltif olundular.

Layihənin əsas məqsədi gənclərimizin sığorta biliklərini artırmaqdır, və şirkətdən aldığımız məlumata görə bu istiqamətdə davamlı işlərin görülməsi planlanır.

Qeyd edək ki, «PAŞA Sığorta» şirkəti 2006-cı ildən fəaliyyət göstərir. «PAŞA Holding» qrupunun üzvü olan “PAŞA Sığorta” korporativ və fərdi müştərilərə 35 növ könüllü və icbari sığorta üzrə xidmət göstərir. Nizamnamə kapitalı 50 mln manat olmaqla, “PAŞA Sığorta” kapitallaşma göstəricilərinə və riskləri özündə saxlama gücünə görə Azərbaycanın sığorta və təkrar sığorta bazarında lider mövqeyini gücləndirir.