Şirkət həyatını sığortalamış şəxsə görə 168 min manat sığorta ödənişi verib

Baki, Finance Time. Azərbaycanın sığorta bazarının ən iri şirkəti olan“PAŞA Həyat” “kredit götürən şəxslərin həyat sığortası” növü üzrə növbəti böyük həcmli sığorta ödənişini həyata keçirib.

Şirkətin İctimaiyyətlə Əlaqələr Xidmətinin verdiyi məlumata görə, ölkədə fəaliyyət göstərən bankların birindən ipoteka krediti götürmüş şəxsin vəfat etməsi nəticəsində müştərinin 167 617manat qalıq borc məbləği “PAŞA Həyat” tərəfindənaidiyyatı bankaödənilib.

Qeyd edək ki, bu sığorta ödənişi Azərbaycan sığorta tarixində ipoteka kreditləri üzrə ödənilən ən iri vəsait hesab olunur. “PAŞA Həyat”tərəfindəncari ilin əvvəlindən indiyədək ipoteka krediti ilə bağlı 5 sığorta hadisəsinə görə ümumilikdə 252509 manat həcmində sığorta ödənişi verilib.

“PAŞA Həyat Sığorta” ASC 2011-ci ilin fevral ayının 14-dən fəaliyyət göstərir. Hazırda şirkət müştərilərə istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, sağalmaz xəstəliklərdən sığorta və digər könüllü həyat sığortası məhsulları təklif edir. Cari ilin iyul  ayının 1-nə şirkətin nizamnamə kapitalının həcmi 40,250 mln. manat təşkil edir.