Baki, FinanceTime. Şirkətin ictimaiyyətlə əlaqələr xidmətindən bildirilib ki, “Açıq Qapı” günü “PAŞA Həyat”da ilk dəfədir ki təşkil olunur. 

Əsas məqsəd, ictimaiyyəti, eləcədə media nümayəndələrini şirkətin fəaliyyəti,şirkətdə baş verən yeniliklərlə bağlı məlumatlandırmaq, həmçinin struktur bölmələrinin işi ilə tanışlığını təmin etmək və göstərdiyi həyat sığortası xidmətləriilə yaxından tanış etməkdir.   

Bildirilib ki, bu cür görüşlər, ictimaiyyətin, həmçinin həyat sığortası sshəsinə olan marağının artırılması ilə yanaşı, onların sığorta biliklərinin yüksəlməsinə, maarifləndirilməsinə köməklik göstərəcək.

Rüstəm Məmmədov - “PAŞA Həyat”ın İdarə Heyətinin üzvü    

İsrail Qarayev           - Strateji inkişaf üzrə direktor

Vüqar Əvəzov          - İT departamentinin direktoru

Şirkət haqqında ümumi məlumat

“PAŞA Holding” şirkətlər qrupuna daxil olan “PAŞA Həyat Sığorta” Açıq Səhmdar Cəmiyyəti 24.11.2010-cu il tarixdə dövlət qeydiyyatına alınmış və 14.02.2011-ci il tarixli 5 illik Lisenziya əsasında həyat sığortası sahəsi üzrə fəaliyyətə başlamışdır. Hazırda Şirkət sığorta fəaliyyətinə müddətsiz Lisenziyaya malikdir.

“PAŞA Həyat” istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, hətta sağalmaz xəstəliklərdən sığorta və s. əlverişli və maraqlı könüllü  həyat sığortası məhsulları təklif edir. Şirkət satışları ofisdən birbaşa, on-line və banklar vasitəsi ilə həyata keçirir.

“PAŞA Həyat” aktivlərinin səviyyəsinə, investisiya portfelinin və sığorta ehtiyatlarının həcminə görə Azərbaycanın ümumi sığorta bazarının ən iri sığorta şirkətidir.

“PAŞA Həyat” kapitalının səviyyəsinə və biznes göstəricilərinə görə Azərbaycanın həyat sığortası bazarının lideridir.

“PAŞA Həyat Sığorta” ASC İcbari Sığorta Bürosunun ilk həyat sığortası iştirakçısıdır.

Sığorta risklərinin etibarlı təkrarsığortası sahəsində “PAŞA Həyat” yüksək reytinqli aparıcı beynəlxalq təkrarsığorta şirkətləri ilə əməkdaşlıq edir.

Şirkət daxili və xarici biznes mühiti ilə sağlam və açıq münasibətlər qurmaqla daim apardığı biznesin şəffaflığını təmin edir.

Şirkət özünün sosial məsuliyyətini dərindən dərk edir, ictimai maraqları daim nəzərə alır və sosial əhəmiyyətli fəaliyyət aparır.

“PAŞA Həyat Sığorta” Azərbaycan Sığortaçılar Assosiasiyası (ASA), Azərbaycan Risk Peşəkarları Assosiasiyası (ARPA), Azərbaycan-Türkiyə İş Adamları Birliyi (ATİB), Azərbaycan Sahibkarlar Konfederasiyası (ASK) və Azərbaycan-Amerika Ticarət Palatasının (AMCHAM) üzvüdür.

"PAŞA Həyat Sığorta" şirkəti Rumıniyanın nüfuzlu "Media-XPRIMM" qurumu tərəfindən əhəmiyyətli nominasiyalar üzrə ardıcıl olaraq 3 dəfə xüsusi beynəlxalq mükafatlara layiq görülüb.

“PAŞA Həyat Sığorta” ASC “Azərbaycanın mədəni irsinin təbliğində xidmətlərə görə” nominasiyası üzrə Azərbaycan Respublikasının Mədəniyyət və Turizm Nazirliyinin "Milli irs” mükafatı ilə təltif edilmişdir.

Şirkətin missiyası peşəkar, çevik və etibarlı xidmət göstərməklə müştərilərin maliyyə sabitliyini və  əminliyini təmin etməkdir.Şirkət "TÜV Thüringen" ISO 9001:2008 beynəlxalq keyfiyyət sertifikatına malikdir.

Şirkətin Gəncə və Sumqayıt şəhərlərində yerləşən 2 regional filialı mövcuddur.