və ardıcıl olaraq 4 ildir ki, öz sahəsində lider şirkət kimi təsdiqlənir

Baki, Finance Time.   Interbrand Brendinq Agentliyi dünyanın ən yaxşı brendləri Best Global Brands üzrə13 illik hesabat açıqlayıb.

Hesabata əsasən, AXA brendi dörd il ardıcıl olaraq dünyanın ən yaxşi 100 Brenddən biri seçilir. Ümumilikdə, AXA brendinin dəyəri 1% artaraq 6.75 milyard Avroya çatmışdır və bu onu dünyanın 58-ci ən yaxşı qlobal brendi və  dünyanın bir nömrəli qlobal sığorta brendi edib.

AXA-nın brend dəyəri və onun aparıcı mövqeyə malik olması  nəzərəçarpacaq dərəcədə  şirkətin müştərilərinə təklif etdiyi xidmətin keyfiyyətində öz əksini tapır, eləcə də həmişə “əlverişli, diqqətli və etibarlı” olmaq kimi üzərinə götürmüş olduğu öhdəliyin yerinə yetirilməsində mühüm rol oynayır.

AXA-nın öz sahəsində lider olması faktından başqa, bunu qeyd etmək olduqca vacib və əhəmiyyətlidir ki,  maliyyə xidmətləri sahəsində mövcud olan nisbətən çətin şəraitdə sığorta brendlərinin dəyəri ümumiyyətlə artmaqdadır. İlk növbədə qarşısına müştəri tələbatlarına cavab vermək kimi vəzifə qoyan və daima yararlı olduğunu sübuta yetirməyə çalışan sənaye üçün bu böyük göstəricidir.

Hesabatın nəticələrini şəhr edən AXA Şirkətlər Qrupunun Baş İcraçı Direktoru Veronika Veil (Veronique Weill) bildirmişdir ki, “yenidən ən yaxşı qlobal sığorta brendi seçilməyimiz  olduqca dəyərli bir göstəricidir və müştərilərimizə olan  dərin və gündəlik  sədaqətimizin tanınması deməkdir”.

-  Onları irəli sürdükləri tələbata uyğun məhsul və innovativ xidmətlərlə təmin etmək üçün biz gərgin çalışırıq və onlar bu fərqliliyin və dəyərin şahidi ola bilirlər. Bu çətin dövrdə bizim insanlara təklif etdiyimiz ilk və vacib zəmanət olan maliyyə gücümüzlə yanaşı – komanda və distributorlarımız üzərilərinə 100 milyon müştərimizə həyatları boyu, yaxşı və pis  vaxtlarında yardım etmək və onları müşayiət etmək kimi öhdəlik götürmüşlər. Göstərdikləri bu səyə və brendimizin bu cür dəyərli olmasında oynadıqları rola görə   onlara səmimi qəlbdən təşəkkür etmək istərdim. Müştərilərimizin bizə olan etibarını qoruyub saxlamaq üçün biz göstərdiyimiz xidmətin keyfiyyətini bu səviyyədə də saxlamaqda davam etməli və müştərilərin bizə olan etibarını  durmadan yaxşılaşdırmalıyıq. Bu, AXA şirkətinin aparıcı brendlər arasında qalmasının başlıca səbəbidir, -  deyə, V. Veil ümumiləşdirilmişdir.

AXA Group 57 ölkədə 101 milyon müştəriyə xidmət göstərən 163 000 işçisi ilə  sığorta və aktivin idarə edilməsi üzrə dünyada aparıcı şirkətdir. 2011-ci ildə IFRS gəlirləri 86.1 milyard təşkil etmiş və IFRS-in əsas gəlirləri 3.9 milyarda çatmışdır. AXA 31 dekabr 2011-ci il tarixə aktivlər üzrə 1,065 milyard vəsaitə malik olmuşdur.

Xatırladaq ki, dünyanın ən iri sığortaçısı Azərbaycanda da təmsil edilmişdir. 2010-cu ilin oktyabr ayında AXA şirkəti, özünün ispaniyalı törəmə cəmiyyəti olan olan AXA Sequros Generales, S.A, De Sequros Y Reasequros-un vasitəsi ilə, Azərbaycanın ən iri sığorta şirkətlərindən biri olan MBASK-ın səhmlərinin nəzarət paketini əldə etmişdir. Bu gün, dünyanın ən iri sığorta şirkəti Azərbaycanda öz fəaliyyətini AXA MBASK Sığorta Şirkəti tərəfindən həyata keçirir.

Interbrand Ən Yaxşı Qlobal Brendlər reytinqi üç meyara əsaslanaraq brendin dəyərini hesablayır: onun maliyyə fəaliyyəti, brendinin gücü və brendin məhsul və xidmətlərin alınmasında rolu. Daha ətrfalı məlumatla http://www.interbrand.com/en/best-global-brands/2012/Best-Global/Brands-2012.aspx  ünvanında tanış ola bilərsiniz