Baki, FinanceTime.  Azərbaycanın sığorta bazarının liderlərindən olan “Atəşgah”Sığorta Şirkəti müştərilərinə yeni sığorta məhsullarını təqdim edir. İki məhsul və bir paketdən ibarət olan sığorta məhsulları yerli sığorta bazarında yalnız “Atəşgah” Sığorta Şirkəti tərəfindən təklif olunur.

İcbari nəqliyyat sığortası sahibləri üçün nəzərdə tutulanməhsulmüştərilərə üç rəngdə təklif olunur: “Sarı” ,“Narıncı” və onların cəmi olan “Al”paketi.

“Sarı”məhsulu üzrə cəmi 19 AZN ödəməklə müştəri, qarşı tərəfin zərəri 5000 AZN-i keçdikdə belə əlavə xərc çəkmir, çünki şirkətin bu məhsulu AVSMMİS-nın “davamı”dır və sığorta təminatının 10,000 AZN –dək artırılmasını nəzərdə tutur.

“Narıncı” məhsulu üzrə 19 AZN ödəməklə müştərinin günahı olmadan, digər nəqliyyat vasitəsi ilə toqquşma nəticəsində, öz avtonəqliyyat vasitəsinə dəyən zərərin ödənilməsi üçün də əlavə 5000 AZN ödəniş əldə edə bilər.

“Sarı” və “Narıncı” məhsullarını özündə birləşdirən “Al” paketi isə müştərilərə ikiqat üstünlük qazandırır. Cəmi 36 AZN, ödəməklə müştərinin öz avtonəqliyyat vasitəsinəvə yaxud qarşı tərəfin avtonəqliyyat vasitəsinə dəymiş zərərə görə əlavə 5000 AZN təminat əldə etmək mümkün olacaq.

Məhsullar  haqqında ətraflı məlumat əldə etmək üçün əlaqə vasitəsi: (012) 940

Yüksək etibarlılıq imicinə sahib olan “Atəşgah” SŞ 1996-ci ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.