Bakı, FinanceTime.   Ölkənin aparıcı sığorta şirkətlərindən biri “Atəşgah” Sığorta Qrupuna daxil olan “Atəşgah Həyat” SŞ İdarə Heyətinə yeni üzvlər təyin edilib. Bu qərar Şirkətin 16 yanvar 2019-cu il tarixində təşkil olunmuş növbədənkənar Ümumi yığıncağınında qəbul edilib.

Belə ki, adları qeyd olunmuş əməkdaşlar 1 fevral 2019-cu il tarixindən “Atəşgah Həyat” SŞ İdarə Heyətinin tərkibinə qəbul edilib:

• Səfərov Mahmud Mürsəl oğlu - "Atəşgah Həyat" Sığorta Şirkəti ASC İdarə Heyəti üzv

• Baxşəliyev Xaqani Firdusi oğlu - "Atəşgah Həyat" Sığorta Şirkəti ASC İdarə Heyəti üzv

• İmamverdiyev Yusif Rafiq oğlu - "Atəşgah Həyat" Sığorta Şirkəti ASC İdarə Heyəti üzv

Yeni üzvlər “Atəşgah” SQ –da uzun müddət çalışan peşəkar kadrlardır və hazırda Şirkətdə deprtament, eləcə də idarə rəisi vəzifələrini tuturlar.

Hazırda “Atəşgah Həyat” SŞ İdarə Heyətinin sədri Əliyev Azər Əmiraslan oğlu, İdarə Heyəti Sədrinin müavini isə Şirinli Orxan Rasim oğludur.

---------------------------------------------------------------------------------------------------------------------

Qeyd: Azərbaycanda ilk həyat sığortası şirkəti olan “Atəşgah Həyat” SŞ 1998-ci ildə təsis edilmiş və Azərbaycan Respublikasının “Sığorta haqqında” Qanununun yeni tələblərinə uyğun olaraq müstəsna olaraq həyat sığortası üzrə xidmətləri təqdim etmək üçün 2008-ci ildə qeydiyyatdan keçmişdir.

Şirkət həyatın müddətli sığortası, yığım sığortası, kredit həyat sığortası, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari həyat sığortası və sağalmaz xəstəliklərdən sığorta xidmətlərini təklif edir.