Oktyabrın 11-də Gəncə şəhərində baş verən hadisə bütün Azərbaycan xalqını dərindən sarsıtdı.  Terror hücumunun digər faciəli tərəfi üç azyaşlı uşağın yaralanması oldu. Nəticədə 2 yaşlı Nilay, 16 yaşlı Sevil və qardaşı 8 yaşlı Hüseyn hər iki valideynini itirdi. A-Qroup sığorta şirkəti bu faciəyə biganə qalmayaraq uşaqların yetkinlik yaşına qədər bütün tibbi xərclərini öz üzərinə götürüb.





Uşaqların fiziki və psixoloji sağlamlığının qorunmasını özünə mənəvi borc bilən şirkət onların hər birinə ildə 15.000 manat məbləğində tibbi sığorta polisi təqdim edib.