Baki, Finance Time. “AtaSığorta” ASC  şirkətinin 2012-ci il ərzində topladığı sığorta haqları 10,640 mln. manat təşkil etmişdir ki, bu da ötən 2011-ci il ilə müqayisədə 93,2% çoxdur. Yığımların 60%-i (6,389 mln.manat) könüllü növlər, 40%-i (4,251 mln.manat) isə icbari növlər üzrə sığorta haqlarının payına düşür.

Şirkətdən verilən məlumata görə, hesabat ilində sığorta hadisələri üzrə aparılan ödənişlərin məbləği ötən il ilə müqayisədə 23,3% artaraq 2,596 mln. manat təşkil etmişdir.

“AtaSığorta” ASC 2004-cü ilin sentyabr ayından sığorta bazarında fəaliyyət göstərir. Şirkət “İcbari Sığorta Bürosu”nun təsisçisi və iştirakçısıdır. Şirkət sığortanın 22 könüllü və 4 icbari növləri üzrə məhsullar təqdim edir. Səhmdarı “AtaHolding” ASC olan şirkətin faktiki ödənilmiş nizamnamə kapitalı 6,6 milyon manat təşkil edir.

Şirkətin 4 filialı və 4 nümayəndəliyi vardır.