Aprelin 22-də BMqT-nin Azərbaycan nümayəndəliyi Dövlət Miqrasiya Xidməti (DMX) ilə birgə “Azərbaycanda Miqrasiya üzrə Regional Təlim Mərkəzinin yaradılmasına dəstək” layihəsi çərçivəsində Belarus, Moldova, Gürcüstan, Türkiyə, Özbəkistan, Qırğızıstan, Rusiya Federasiyası və Azərbaycan daxil olmaqla region ölkələrinin miqrasiya orqanları və digər dövlət qurumlarının əməkdaşlarının iştirakı ilə ekspertlər şəbəkəsinin regional seminarını keçirdi. 

Seminar BMqT-nin Azərbaycan nümayəndəliyinin rəhbəri Vladimir Qyorqiyevin açılış nitqi ilə başladı. Açılış nitqində, Qyorqiyev, region ölkələrinin miqrasiya qurumlarının və ekspertlərn toplaşdığı bu tədbirin iştirakçı ölkələrin miqrasiya sahəsindəki məlumat, bilik və ən yaxşı təcrübələrini bölüşməyə imkan yaratığı üçün mühüm əhəmiyyət daşıdığını qeyd etdi. 

İştirakçıların Miqrasiya üzrə Regional Təlim Mərkəzinin və Ekspertlər Şəbəkəsinin qısa və ortamüddətli perspektivdə Yol Xəritələri üçün tövsiyələr hazırladığı seminarın gündəliyi Mərkəzə həsr olunmuş giriş təqdimatı və onun gələcək baxışı, Mərkəzin veb səhifəsinin təqtimatı, Mərkəzin Yol Xəritəsinin baxışı və məzmunu, Ekspertlər Şəbəkəsi üçün yol xəritəsinin baxışı və məqsədləri, qısa və orta müddətli dövrdə Yol Xəritəsinin icrasını və məqsədlərini dəstəkləmək üçün imkanların qrup müzakirəsi, hər bir ekspertin rolunun təqdimatı, mümkün sinerji və komanda yanaşması, və Ekspertlər Şəbəkəsinin İş Planı üzrə qrup müzakirəsi kimi mövzuları əhatə edirdi.  

BMqT-nin Azərbaycan nümayəndəliyi və DMX tərəfindən BMqT-nin İnkişaf Fondunun maliyyə dəstəyi ilə həyata keçirilən “Azərbaycanda miqrasiya üzrə regional təlim mərkəzinin yaradılmasına dəstək” layihəsi regionda miqrasiya sahəsində hökümətlər və maraqlı tərəflər arasında geniş məlumat mübadiləsi, araşdırma və dialoqa xidmət edəcək miqrasiya üzrə regional təlim mərkəzi vasitəsilə Azərbaycan, MDB və digər xarici ölkələrdə miqrasiya idarəçiliyi sahəsində regional təhsil potensialını və əməkdaşlığı artırmağı hədəfləryir.