“PAŞA Həyat Sığorta” ASC istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə ən iri ödənişini həyata keçirmişdir.

Şirkətdən AzərTAc-a bildirilmişdir ki, yol-nəqliyyat hadisəsi nəticəsində sığortalanan şəxsin ölüm faktına görə onun ailəsinə 104 min manata yaxın ödəniş verilmişdir.

2013-ci ilin əvvəlindən indiyədək ASC tərəfindən istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə 246 min manatdan çox sığorta ödənişi edilmişdir.

www.azertag.com