Bu ilin yanvar-may aylarında sığorta şirkətləri arasında ən çox ödəniş həyata keçirən “Paşa Sığorta” Açıq Səhmdar Cəmiyyəti (ASC) olmuşdur.

Maliyyə Nazirliyinin Dövlət Sığorta Nəzarəti Xidmətindən AzərTAc-a bildirmişlər ki, hesabat dövründə şirkətin ödənişlərinin məbləği 9 milyon 116 min 379 manat olmuşdur. Şirkət bu dövrdə 25 milyon 702 min 109 manat sığorta haqqı toplamışdır.

Bu müddət ərzində 28 sığorta şirkətinin ümumi sığorta haqları 144 milyon 703 min 429 manat, sığorta ödənişləri 32 milyon 944 min 942 manat təşkil etmişdir.

www.azertag.com