Bakı, Finance Time. «AtaSığorta» şirkətinin 2012-ci ilin 1-ci Yarımili ərzində topladığı sığorta haqları 6,277 mln. manat təşkil etmişdir ki, bu da ötən ilin müvafiq dövrü ilə müqayisədə 2,4 dəfə, 2011-ci ilin illik səviyyəsindən isə 14% çoxdur. Yığımların 54,8%-i (3,439 mln.manat) könüllü növlər, 45,2%-i (2,838 mln.manat) isə icbari növlər üzrə sığorta haqlarının payına düşür.

Şirkətdən verilən məlumata görə, hesabat dövründə sığorta hadisələri üzrə aparılan ödənişlərin məbləği ötən ilin müvafiq dövrü ilə müqayisədə 49,8% artaraq 1,289 mln. manat təşkil etmişdir. Könüllü növlər üzrə 1,197 mln.manat, icbari növlər üzrə isə 0,092 mln.manat məbləğində sığorta ödənişləri verilmişdir.

 “AtaSığorta” ASC 2004-cü ilin sentyabr ayından sığorta bazarında fəaliyyət göstərir. Şirkət “İcbari Sığorta Bürosu”nun təsisçisi və iştirakçısıdır. Şirkət sığortanın 22 könüllü və 4 icbari növləri üzrə məhsullar təqdim edir. Səhmdarı “AtaHoldinq” ASC olan şirkətin faktiki ödənilmiş nizamnamə kapitalı 5,6 milyon manat təşkil edir.