Baki, Finance Time. Bu ilin yanvar-iyun aylarında Azərbaycandakı 28 sığorta şirkətinin xətti ilə təxminən 212  milyon manat sığorta haqqı toplanıb. Fins.az-ın məlumatına görə bu barədə bugün Azərbaycan Sığortaçılar Assosiasiyasında keçirilən mətbuat konfransında məlumat verilib. Məlumata görə, bu, ötən ilin eyni dövrü ilə müqayisədə 14 milyon manat və ya 7,1% çoxdur.

2014-cü ilin ilk 6 ayında sığorta şirkətlərinin həyata keçirdiyi sığorta ödənişlərinin məbləği isə 65,4 milyon manat təşkil edib. Bu da 2013-cü ilin eyni dövrünə nisbətən 7,3 milyon manat və ya 12,6% çoxdur.

Hesabat dövründə sığorta bazarında toplanmış hər 100 manat sığorta haqqı müqabilində 30,9 manat ödəniş həyata keçirilib. Bu göstərici ötən ilin yanvar-iyun aylarında 29,3 manat olub.