Bakı, Finance Time. 21 iyun 2012-ci il tarixində saat 10.00-da “AtaHoldinq” ASC-nin Bakı şəhəri, Zərifə Əliyeva küçəsi, 55 (Yeni Həyat Plaza) ünvanında yerləşən ofisində “AtaSığorta” açıq səhmdar cəmiyyətinin səhmdarlarının 2011-ci maliyyə ilinin yekunlarına həsr olunmuş növbəti illik ümumi yığıncağı keçiriləcəkdir.

İclasda “AtaSığorta” ASC-nin 2011-ci il üzrə fəaliyyətinin yekunları müzakirə olunacaq,  müstəqil auditor tərəfindən təsdiqlənmiş “AtaSığorta” ASC-nin 2011-ci ilin yekunları üzrə maliyyə hesabatları təsdiq olunacaq və digər məsələlərə baxılacaqdır.

Qeyd edək ki,   “AtaSığorta” ASC 2004-cü ilin sentyabr ayından sığorta bazarında fəaliyyət göstərir. Şirkət “İcbari Sığorta Bürosu”nun təsisçisi və iştirakçısıdır.  Şirkət sığortanın 22 könüllü və 4 icbari növləri üzrə məhsullar təqdim edir. Hal-hazırda şirkətin 2 filialı fəaliyyət göstərir. Səhmdarı “AtaHoldinq” ASC olan şirkətin faktiki ödənilmiş nizamnamə kapitalı 5,6 milyon manat təşkil edir.