Bakı, Finance Time.  A-Qroup Sığorta Şirkəti özünün uzunmüddətli inkişaf proqramı çərçivəsində nizamnamə kapitalını növbəti dəfə artırdı. Beləliklə, A-Qroup Sığorta Şirkətinin nizamnamə kapitalı 2 906 250 milyon manatdan 4 719 750 milyon manatadək artdı. A-Qroup Sığorta Şirkətinin inkişaf proqramı gələcəkdə bu göstəricinin artırılmasını nəzərdə tutur. 

1 rübün nəticələrinə görə, A-Qroup Sığorta Şirkətinin sığorta mükafatlarının ümumi həcmi 4 409 979 AZN təşkil edir. Daxil olmanın əsas hissəsi könüllü tibbi sığortası üzrədir. Qeyd etmək lazımdır ki, 2012-ci ilin 3 ayı ərzində əmlak sığortası üzrə mükafatlar 201 363 AZN təşkil edir, avtomobil sığortası üzrə isə 148 487 AZN təşkil edir. 

2012-ci ilin 1 rübü üzrə sığorta ödənişlərinin həcmi 1 114 056 AZN təşkil etmişdir. 

A-Qroup Sığorta Şirkəti 1995-ci ildə təsis edilmişdir. Hal-hazırda şirkət 14 könüllü sığorta növü üzrə xidmət göstərir. İlin əvvəlində şirkət növbəti dəfə İSO 9001 beynəlxalq keyfiyyət standartına cavab verdiyini təsdiq etmişdir. A-Qroup Korporativ idarəetmə layihəsinin mükəmməlləşdirilməsi üzrə ikinci pilot proqramı çərçivəsində Beynəlxalq Maliyyə Korporasiyası tərəfindən seçilmiş yeganə sığorta şirkətidir.