“PAŞA Həyat”ın əməkdaşları “Cəngəlliklər Kitabı”filminə qayğıya ehtiyacı olan uşaqlarla birlikdə izləyib...

“PAŞA Həyat” qayğı missiyasına uyğun olaraq, son günlərdə bütün uşaqların ən sevimli filmi olan “Cəngəlliklər kitabı” adlı filmə valideyn himayəsindən məhrum olan uşaqları dəvət edərək onlarla birlikdə izləyiblər.

Baki, Finance Time. Şirkətdən verilən məlumata görə, bu program çərçivəsində valideyn himayəsindən məhrum olan 60 uşaq ilk dəfə IMAX formatında film izləyiblər və bu da uşaqların xüsusi marağına səbəb olub.

“Ümumiyyətlə bizim missiyasımız insanlara qayğı göstərməkdir. Əlbəttə ki, qayğıya ən çox ehtiyacı olan bu körpələrimizlə birlikdə bu filmi izləmək, onların inkişafına kömək edə bilmək, onların asudə vaxtlarının daha xoş keçirməsinə şərait yaratmaq, onlarla az da olsa birgə pozitiv vaxt keçirmək bu missiyanın bir parçası hesab olunur. Biz “PAŞA Həyat” olaraq, gələcəkdə də daim uşaq evlərini ziyarət edəcəyik, onlara olan diqqət və qayğımızı əsigəməyəcəyik, - deyə şirkətin mətbuat katibi Elnur Hüseynquluyev bildirib.

E.Hüseynquluyevin sözlərinə görə, “PAŞA Həyat”şirkəti korporativ sosial məsuliyyət proqramı çərçivəsindəuşaqlar üçün müxtəlif xeyriyyə tədbirlərinin təşkili və dəstəyi işlərini davam etdirəcək.

“PAŞA Həyat Sığorta” ASC 2011-ci ilin fevral ayının 14-dən fəaliyyət göstərir. Hazırda şirkət müştərilərə istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, sağalmaz xəstəliklərdən sığorta və digər könüllü həyat sığortası məhsulları təklif edir. Cari ilin may ayının 1-nə şirkətin nizamnamə kapitalının həcmi 40,250 mln. manat təşkil edir.