Azərbaycanın mikro, kiçik və orta sahibkarlıq (MKOB) üzrə aparıcı bankı olan AccessBank Avropanın nüfuzlu investisiya şirkəti olan Enabling Qapital Ltd ilə 8.5 milyon AZN dəyərində kredit müqaviləsi imzalayıb. 3 il müddətinə ayrılan məbləğ Azərbaycanda kiçik və orta sahibkarlıq subyektlərinin fəaliyyətlərini dəstəkləyir və onların ortamüddətli maliyyələşdirməyə davamlı çıxışını təmin edir.
AccessBank-ın İdarə Heyətinin Sədri Davit Tsiklauri: “Biz Enablig Qapital ilə əməkdaşlığımızı davam etdirməkdən çox məmnunuq. Bu artıq cari il ərizində ikinci kreditdir və AccessBank-a Azərbaycanda rəqabət qabiliyyətini və biznes mühitini daha da gücləndirmək üçün regionlara xüsusi diqqət yetirməklə Mikro və KOS (kiçik və orta sahibkarlar) bizneslərinin maliyyələşdirilməsini genişləndirməyə imkan verəcək. Mən bir daha “Enabling Qapital” şirkətinə əməkdaşlığa görə təşəkkür etmək istərdim və yaxın gələcəkdə əməkdaşlığımızın daha da güclənəcəyinə ümid edirəm”.
Enabling Qapital Ltd (EQ) investisiyaların maliyyə və sosial gəlir gətirdiyi aparıcı təsiredici investisiya məsləhət şirkətidir. EQ-in iqtisadi, sosial və ətraf mühitə müsbət təsir göstərmək missiyası EMF Microfinance və Spark+ Africa Fund daxilində təxminən 600 milyon ABŞ dolları məbləğində aktivlər üzrə məsləhətlər verir. Şirkətin İsveçrə, Lixtenşteyn, Lüksemburq və Keniyada qeydiyyatdan keçmiş ofisləri və Şərqi Avropa, Afrika, Asiya və Latın Amerikasını əhatə edən bir çox ölkədə 50-dən çox komanda üzvü var.
AccessBank Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası və digər beynəlxalq maliyyə təşkilatları və investisiya fondları yer alır. Bankın 14-ü Bakıda, 18-i bölgələrdə olmaqla, 32 filialı fəaliyyət göstərir.
Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial şəbəkələrdə (Facebook, Instagram, LinkedIn) hesablarına daxil olmaq olar.
*AccessBank QSC xidmətlərini Azərbaycan Respublikası Mərkəzi Bankı tərəfindən verilmiş 25 Oktyabr 2002-ci il tarixli, 245 nömrəli lisenziya əsasında təqdim edir və Bakı şəhəri, Yasamal rayonu, Tbilisi prospekti 3 ünvanında yerləşir.
