“Arzulara doğru səyahət” adlı şəxsi inkişaf və motivasiya mövzuları ilə bağlı tədbir keçirilib.
21 sentyabr 2024-cü il tarixində ölkənin ilk və yeganə qadın bankçılar klubu olan Women Bankers Club-un (WBC) təşkilatçılığı və VTB (Azerbaijan)-ın dəstəyi ilə “Arzulara doğru səyahət” adlı şəxsi inkişaf və motivasiya mövzuları ilə bağlı tədbir keçirilib.
JW Marriott Absheron Baku-un tədbir zalında baş tutan görüşdə dörd spiker – "FireWorks HRM" şirkətinin təsisçisi Laura Hamidova, “Bakı Fond Birjası”-ın Müşahidə Şurasının Sədri Fərid Axundov, Bank VTB Azərbaycan”-ın İdarə Heyətinin üzvü Vadim Klimenko və “Deloitte Azərbaycan” -ın İdarəedici Partnyoru Nuran Kərimov Qadınların cəmiyyətdəki rolu və karyerada uğurlu olmasına maneə olan daxili və xarici baryerlər barəsində müzakirələr apardılar. Tədbir mövzu ətrafında sual-cavab sessiyası ilə davam etdirilib. Tədbirin sonunda iştirakçılara Laura Həmidovanın müəllifi olduğu “Arzulara doğru səyahət” adlı kitab hədiyyə olunub.
Qeyd edək ki, tədbirdə “Women Bankers Club”un üzvləri, Azərbaycan maliyyə sektorunda rəhbər vəzifələrdə çalışan xanımlar və digər qonaqlar iştirak ediblər.
Məlumat üçün bildirək ki, WBC maliyyə sektorunda fəaliyyət göstərən qadınların uğurlu ünsiyyətini həyata keçirməyə imkan yaradan bir platformadır və vahid ideologiya ətrafında faydalı fikir mübadiləsinin aparılması, yeni tanışlıqların, banklararası münasibətlərin qurulması və möhkəmləndirilməsi, qarşılıqlı işgüzar dəstəyin təmin edilməsi məqsədini özündə birləşdirir. Yarandığı gündən daim təlimlər, master-klaslar, eləcə də təhsil layihələrini həyata keçirən WBC-in hazırda 1500- dən çox üzvü var.
