Sosial məsuliyyətli bankçılıq prinsiplərinə sadiq qalan TuranBank növbəti xeyriyyə aksiyasına imza ataraq heyvanların müdafiəsi istiqamətində sahibsiz küçə heyvanlarına dəstək olub.

Belə ki, Bank Zaqatala rayonunda yerləşən heyvan sığınacağını ziyarət edərək heyvanları qida, tibbi ləvazimatlar və digər bütün zəruri ehtiyaclarla təmin edib. Qeyd edək ki, sığınacaqda 200-dən çox heyvana qayğı göstərilir. Həmçinin TuranBank bütün satış nöqtələrinin qarşısında soyuq, qarlı havadan müdafiə olunması məqsədilə sahibsiz küçə pişikləri üçün evciklər quraşdırılmasını və onların daim yem, su ilə təmin olunmasını həyata keçirib.

Bankın həyata keçirdiyi bu layihənin əsas məqsədi qayğıya ehtiyacı olan sahibsiz heyvanlara mərhəmət və sevgi göstərilməsi ənənəsini formalaşdırmaq, onlara diqqətin artırılması, cəmiyyətdə heyvanların rifahı haqqında maarifləndirmənin artırılması və heyvanlara humanist yanaşmanın təşviqinə yönləndirilməsidir.

Məlumat üçün qeyd edək ki, TuranBank Korporativ Sosial Məsuliyyət proqramı çərçivəsində daim həssas əhali qruplarını diqqət mərkəzində saxlayır, hər zaman şəhidlərimizin ailə üzvlərinin, qazilərimizin sosial müdafiəsi və ehtiyaclarının qarşılanması üzrə təşəbbüslərdə, həmçinin ətraf mühit naminə görülən tədbirlərdə aktiv iştirak edir.

Bundan sonra da TuranBank ölkəmizdə qayğıya ehtiyacı olan sahibsiz heyvanlara dəstək olacaq, ətraf mühit naminə görülən tədbirləri davam etdirəcəkdir.

TuranBank

Bizimlə etibarlıdır…