2025-ci ildə 30 illik yubileyini qeyd edəcək Bakı Enerji Həftəsinə (“Baku EnergyWeek”)hazırlıq işləri aktiv şəkildə davam edir. Regionun nəhəng enerji tədbiri olan Bakı Enerji Həftəsi özündə üç mötəbər tədbiri birləşdirir: 30-cu Yubiley Beynəlxalq Xəzər Neft və Qaz Sərgisi “CaspianOil&Gas”, 13-cü Xəzər Beynəlxalq Energetika və Yaşıl Enerji Sərgisi “CaspianPower” və 30-cu Yubiley Bakı Enerji Forumu.

Bakı Enerji Həftəsinin açılış mərasimində ənənəvi olaraq Azərbaycan Respublikasının Prezidenti İlham Əliyev iştirak edir. 2024-cü ilin iyunun 4-də Bakı Ekspo Mərkəzində baş tutmuş Bakı Enerji Həftəsinin açılış mərasimində ölkə başçısı çıxış edərək, bu tədbirin ölkəyə xarici investisiyaları cəlb edilməsindəki rolunu vurğulayıb. 

“Azfen”, “Baku SteelCompany”, “bp”, “SLB”, STP, “Subsea7”, “Tekfen İnşaat veTesisat”, “TenarisConnections”, “TürkiyePetrolleri” kimi şirkətlər artıq iştirakçılar sırasındadır.

Enerji sahəsinin mühüm məsələlərinin müzakirə olunduğu və uğurlu əməkdaşlıqların başlanğıcı olan bu tədbir çox sayda sponsorları cəlb edir. “Baku EnergyWeek” çərçivəsində təşkil ediləcək Bakı Enerji Forumu üçün daha bir beynəlxalq sponsorluq razılaşması əldə edilmişdir. Macarıstanın ən böyük neft və qaz şirkəti “MOL Group” forumun qonaqlarını qeydiyyat sponsoru olaraq salamalayacaqdır. Hazırda Bakı Enerji Həftəsinin sponsorları arasında “Azfen”, “Baku SteelCompany”, “bp”, “GAP İnşaat”,“Kolinİnşaat”, “SLB”, “Tekfen İnşaat veTesisat”, “Total Energies” yer alır, “Boston Consulting Group” intellektual tərəfdaş və “Deloitte” isə konsaltinq üzrə tərəfdaş qismində çıxış edir.

Bakı Enerji Həftəsi çərçivəsində keçirilən tədbirlərə Azərbaycan Respublikasının Energetika Nazirliyi dəstək göstərir, Azərbaycan Respublikası Dövlət Neft Şirkəti (SOCAR) isə baş tərəfdaş qismində çıxış edir. 

Bakı Enerji Həftəsinin təşkilatçıları “ItecaCaspian”, “CaspianEventOrganisers” və onların beynəlxalq tərəfdaşları olan “ICA Events” və “CaspianEventManagement FZ-LLC” şirkətləridir. Bakı Enerji Həftəsi Azərbaycan Sərgi Təşkilatçıları Assosiasiyası (ASTA) tərəfindən aktiv şəkildə dəstəklənir. 

Bakı Enerji Həftəsi haqqında ətraflı məlumatları www. bew.az saytından, eləcə də sosial şəbəkə hesablarından əldə etmək mümkündür.

Eləcə də, 2025-ci ildə təşkil ediləcək sərgilərin təqvimini rəsmi internet səhifəsində (https://iteca.az/az/events) və sosial şəbəkə hesablarında nəzərdən keçirməkolar.