Azərbaycan Banklar Assosiasiyası (ABA) və Böyük Britaniyanın Bakıdakı Səfirliyi ilə əməkdaşlıq çərçivəsində 22-24 yanvar 2025-ci il tarixlərində Böyük Britaniyanın paytaxtı London şəhərində dövlət və qeyri-dövlət sektorunu təmsil edən maliyyə institutlarının nümayəndələri ilə ABA-nın nəzdində fəaliyyət göstərən Ekspert Qruplarının işgüzar səfəri baş tutmuşdur.

İşgüzar səfər çərçivəsində Bank of England ilə süni intellektin tətbiqi və bu sahədə qanunvericilik bazasının formalaşdırlması, vahid kriptovalyutanın dövriyyəyə buraxılması istiqamətində apaırlan islahatlar və yeni çağırışlar mövzusunda müzakirələr aparılmışdır. Həmçinin, qlobal maliyyə bazarlarında aparıcı rəqəmsal banklardan olan Starlink Bank nümayəndələri ilə görüş keçirilərək mövcud texniki infrastruktur, rəqəmsal məhsul və xidmətlər ətrafında fikir mübadiləsi aparılmışdır. İşgüzar səfər Level39, Entrust company, EY təşkilatı, habelə bır sıra fintexlərlə qarşılqılı görüşlərin keçirilməsi ilə yadda qalmışdır.

Keçirilən görüşlərdə bank sektorunda İT infrastrukturunun modernləşdirilməsi, rəqəmsal bankçılıq sahəsində qnaunvericilik bazasının formalaşdırılması, maliyyə bazarlarında innovasiyaların tətbiqinin təşviqi məqsədilə İnnovation Hub-ın yaradılması, açıq bankçılıq və bulud əsaslı texnologiyaların tətbiqi, habelə müasir rəqəmsal həllərin tətbiqini təşviqi məqsədilə maliyyə bazarı iştirakçılarının birgə konsorsimumun yaradılması, süni intellektin və avtomatlaşdırılmış analitika sistemlərinin maliyyə bazarları sahəsində inteqrasiyası müzakirə olunmuş, bu innovativ həllərin bankçılıq sektorunda texnoloji transformasiyanı sürətləndirməkdə rolu təhlil edilmişdir.