7 mart 2025-ci il tarixində Bakı Fond Birjasının nümayəndə heyəti Avropanın aparıcı bazar infrastrukturu təchizatçılarından biri olan Euronext şirkətinin nümayəndələri ilə məhsuldar görüş keçirib. Görüş zamanı bazarın inkişafının artırılması, qabaqcıl təcrübələrin mübadiləsi və Azərbaycanın kapital bazarı ekosisteminin gücləndirilməsinə yönəlmiş potensial əməkdaşlıq sahələri müzakirə edilib.

Görüş zamanı hər iki tərəf bazar əməliyyatları, ticarət texnologiyaları, listinq və davamlı maliyyə sahəsində bilik mübadiləsi imkanlarını müzakirə ediblər. Müzakirə  zamanı Azərbaycanın kapital bazarlarında daha geniş beynəlxalq iştirakın asanlaşdırılması, qlobal standartlara və investorların gözləntilərinə uyğunluğun təmin edilməsi məsələlərinə də toxunulub.

Bakı Fond Birjası, maliyyə sektorunun inkişafını təşviq etmək və yerli kapital bazarının davamlı böyüməsini dəstəkləmək məqsədilə strateji tərəfdaşlıqlar qurmağa davam edir.