Mərkəzi Gömrük Hospitalının Çağrı Mərkəzinin əməkdaşları Novruz bayramı və Ramazan bayramı günlərində 7/24 rejimində fəaliyyət göstərərək Hospitala daxil olan bütün zənglərin qəbulunu, eləcə də elektron poçt, votsap‎, facebook, instaqram və internet-çat vasitəsi ilə daxil olan müraciətlərin operativ şəkildə cavablandırılmasını təmin edəcəklər. 

Çağrı Mərkəzinin həkim-koordinatoru Gülşən Şahverdiyeva, tibb qeydiyyatçıları Cəmilə İsayeva və çağrı mərkəzi üzrə mütəxəssislər Gülnarə Əliyeva və Ulviyyə Xudaquliyeva gündüz növbələrində, Aytən Həsənova, Gülçöhrə Budaqlı və Nailə Mollayeva, Mədinə Məmmədova isə gecə növbələrində çalışaraq, Çağrı Mərkəzinin fasiləsiz fəaliyyətini təmin edəcəklər.

Qeyd edək ki, Mərkəzi Gömrük Hospitalının Çağrı Mərkəzi günün müxtəlif saatlarında bura müraciət edən insanların sorğularını cavablandıran informasiya qovşağıdır. Çağrı Mərkəzi vasitəsilə pasiyentlərin vəziyyəti ilə maraqlanmaq, növbədə olan həkimlərlə danışmaq mümkündür. Çağrı Mərkəzinin əlaqə nömrəsi - (012) 404-08-08.