“Caspian Energy Club” və Azərbaycan Milli Biznes Assosiasiyası apreldən etibarən Bakı və Azərbaycanın müxtəlif regionlarında Milli Biznesin İnkişafı Forumlarını təşkil etməyə başlayır.
Bu forumlar ölkə biznesinin inkişafına dəstək olmaq məqsədilə müxtəlif mövzularda keçiriləcək və dövlət qurumları ilə biznes sahəsinin rəhbərlərinin iştirakı ilə baş tutacaq. Bu barədə “Caspian Energy Club”ın sədri və qrupun baş icraçı direktoru Telman Əliyev
məlumat verib. Forumların əsas məqsədi hökumət və biznes arasında dialoqu inkişaf etdirmək, kommunikasiyanı genişləndirmək və ölkə iqtisadiyyatının müxtəlif sahələrindəki təklifləri müzakirə etməkdir. B2G formatında təşkil olunacaq forumlar həmçinin biznes sahəsinin
müxtəlif təbəqələrinin qarşılıqlı əlaqəsini gücləndirəcək. Hökumət nümayəndələri öz mesajlarını bu platforma vasitəsilə sahibkarlara çatdıracaq, eyni zamanda sahibkarların təklifləri, sualları və onları narahat edən mövzular müzakirə ediləcək.
Milli Biznesin İnkişafı Forumunun ilk iki sessiyası Biznes mühiti və beynəlxalq reytinqlər üzrə Komissiyanın “Fiziki infrastruktur” işçi qrupunun çərçivəsində təşkil olunacaq və Rəqəmsal İnkişaf və Nəqliyyat Nazirliyinin dəstəyi ilə keçiriləcək. Milli Biznesin İnkişafı Forumunun 16 aprel tarixində baş tutacaq ilk sessiyası Azərbaycanın aparıcı dövlət qurumlarının rəhbərlərini, o cümlədən Azərbaycan Avtomobil Yolları Dövlət Agentliyi, Azərbaycan Yerüstü Nəqliyyat Agentliyi, Azərbaycan Dəmir Yolları QSC, Azərbaycan Xəzər Dəniz Gəmiçiliyi QSC, Azərbaycan Hava Yolları QSC, Bakı Beynəlxalq Dəniz Ticarət Limanı QSC və digər müvafiq qurumların rəhbərlərini bir araya toplayacaq. 29 aprel tarixində keçiriləcək ikinci xüsusi sessiya isə kommunal xidmətlərin inkişafına həsr olunacaq. Bu sessiyada Azərbaycan Dövlət Su Ehtiyatları Agentliyi, Azərişıq ASC və “Azəriqaz” İB-nin rəhbərləri iştirak edərək sahibkarların suallarını cavablandıracaq, təkliflərini dinləyəcək və onları müzakirə edəcəklər. Davos formatında aparılacaq müzakirələr əsnasında iştirakçılar üçün interaktiv dialoq şəraiti yaradılacaq.
Telman Əliyev Azərbaycanda fəaliyyət göstərən sahibkarları Milli Biznesin İnkişafı Forumlarında fəal iştirak etməyə və öz təklif və suallarını hökumət nümayəndələri ilə birbaşa müzakirə etməyə dəvət edib. "Milli Biznesin İnkişafı Forumu ölkənin biznes mühitinin daha da güclənməsi və dövlətlə biznes arasındakı əlaqələrin inkişafı baxımından əhəmiyyətli bir addımdır", - deyə Telman Əliyev əlavə edib.
“Caspian Energy Club” haqqında qısa məlumat
2002-ci ildə dünyanın iri transmilli, dövlət və özəl neft-qaz və enerji şirkətləri tərəfindən yaradılan, mənzil-qərargahı Bakıda yerləşən “Caspian Energy Club” dünyanın 50 ölkəsindən 5000-dən çox şirkəti birləşdirən və dinamik inkişaf edən beynəlxalq biznes-networking platformasıdır.
“Caspian Energy Club” biznes-hökumət dialoqunun fəal iştirakçısıdır və əsas məqsədilərinən biri, Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasıdır. “Caspian Energy Club International” 2023-cü ildə “Caspian Energy Club”ın beynəlxalq layihələrini və dünyanın 63 şəhərində fəaliyət qöstərən xarici ofisləri vahid standartlar əsasında idarə etmək məqsədilə yaradılmışdır.
“Caspian Energy Club International” tərəfindən idarə olunan və yaxın 7 il ərzində dünyanın 100 ölkəsində nümayəndəlik açılması planlaşdırılan Azərbaycan Milli Biznes Assosiasiyası (MİLLİ.BİZ) – ölkə daxilində və ölkə hüdudlarından kənarda, Azərbaycan sahibkarlarını birləşdirən, regionlarda istehsal olunan məhsul və xidmətləri beynəlxalq bazarlara çıxaran, həmçinin regionlara beynəlxalq investisiyaların cəlb edilməsində aktiv rol oynayan vahid işqüzar platformadır. 2004-cü ildən fəaliyət göstərən “Caspian Energy Event Group” dünyanın 20-dən çox ölkəsində “Caspian Energy Forum”, “Caspian Investment Forum” və iqtisadiyyatın fərqli istiqamətlərini əhatə edən beynəlxaq və milli forumlar, meetup-lar və dəyirmi masalar təşkil edən beynəlxalq şirkətidir.
“Caspian Energy International Media Group” 1999-cu ildən fəaliyyət göstərir və “Caspian Energy Club”ın dəstəyi ilə 30-dan çox elektron, çap və onlayn yerli və beynəlxalq media resurslarını idarə edir. “Caspian Energy International Media Group”un fəaliyyətinin flaqmanı olan “Caspian Energy” jurnalı dünyanın 70-dən çox ölkəsində yayımlanır və 20-dən çox ölkəsində əlavə çap olunur.
2004-cü ildən “Caspian Energy Club”ın dəstəyi ilə fəaliyyət göstərən “Award Organizers Group” dünyanın 12 ölkəsində “Caspian Energy Award”, “Caspian Business Award”, “Brand Award”, “CEO Award” və digər milli və beynəlxalq mükafatların təqdimat mərasimlərinin və müsabiqələrinin təşkilatçısıdır.
1991-ci ildən fəaliyyət göstərən “Caspian Energy Research Group” PR, marketinq, sosioloji və içtimayı rəy araşdırmaları keçirən, transmilli, regional dövlət və nəhəng özəl holdinglər üçün geniş miqyaslı konsaltinq xidmətlərini göstərən investisiya-konsaltinq şirkətidir.
1991-ci ildən fəaliyyət göstərən “Caspian Energy Entertainment Group” fərqli ölkələrdə “Caspian Energy CUP” çərçivəsində idman yarışmaları, intelektual və əyləncə oyunları təşkil edən beynəlxalq şirkətdir.
